Quen somos

Profesionais do sistema sanitario e usuarias, co apoio de colectivos non subvencionados, decidimos constituír a Coordinadora Antiprivatización da Sanidade Estatal co obxectivo de axuntar esforzos e organizarnos para loitar contra todo tipo de privatización do Sistema Nacional de Saúde (Lei 15/97, artigo 90 da Lei Xeral de Sanidade, etc. ), e en defensa dun sistema sanitario de calidade, que atenda a todos/as sen exclusións, dotado de mecanismos de xestión democrática por parte de traballadores e poboación, e no que a actuación sobre os determinantes socio económicos e ambientais da enfermidade sexan prioritarios.